|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Меѓународен волонтерски проект
Камп за помош на децата во Албанија
Потребни се шест странски волонтери кои имаат искуство во работа со деца и уметнички вештини. Edhe une Dhuroj Buzeqeshje ( И јас подарувам насмевка) во соработка со International Volunteer Projects (Меѓународниот волонтерски проект), организираат камп за помош на децата од регионот што беше погоден со експлозијата во Албанија.
Главната цел е изградба на здраво општество во соработка со различни партнери за охрабрување на јавноста за вклучување во волонтерски активности. Kампот ќе се одржи во Вора, мал град во близина на Тирана од 22 до 31.08.2008 година. Кампот треба да ја минимизира траумата на децата по експлозијата. Групата брои околу 50 деца, на возраст од 8-15 години, со длабоки социо-економски проблеми.
Работата на кампот се состои од редовни дневни активности и организирање на слободното време на децата, организирање на работилници, спортски активности, концерти, сликање и други игри.
Потребни се шест странски волонтери кои имаат искуство во работа со деца и уметнички вештини. Волонтерите ќе работат по 4 часа во денот. Волонтерите со локалните координатори ќе бидат одговорни за целата програма на кампот.
Главни активности на волонтерите ќе бидат помагање во училишните активности и подготвување театар. Волонтерите треба да знаат англиски и албански, да ги познаваат човековите права и антидискриминацијата во училиштата и да се интересираат за работа со деца.
Заинтересираните можат да стапат во контакт со SCI (www.sciint.org) во нивната држава за да аплицираат во кампот на Меѓународниот волонтерски проект. Храната и сместувањето се обезбедени, а волонтерите ќе треба сами да си го платат патот од државата во која живеат до Албанија. |
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
