МЦМС

Курсеви на МЦМС во месец март

Македонскиот центар за меѓународна соработка е организација на граѓанското општество што работи во областа на одржливиот развој, градењето на свеста и социјално–хуманитарната помош.

Трансферот на знаења и вештини преку обука и консултаци е основна компонента во сите програми на МЦМС уште од неговото формирање во 1993 година.

Во програмата Градење на капацитетите на граѓанските организации (ГКГ) во месец март, 2005 год., МЦМС ги организира следниве курсеви:

Обука                              време на                 краен рок                   цена на 
                                         одржување      за пријавување       обуката  (МКД)
 
Планирање проекти          16-18 март                   1 март                            9.000

Стратешко планирање     22-25 март                   4 март                          10.000
 
Административно              29-31 март                 10 март                            9.000
работење

Услови

- За сите курсеви патните трошоци  се на сметка на учесниците.
- За обуките можат да конкурираат членовите на граѓанските организации во Р. Македонија со можност за покривање на 90% од цената на курсот од страна на МЦМС.

Содржина на курсевите

Планирање проекти

Планирањето проекти е првиот чекор за успешен проект. Целно ориентираното проектно планирање е инструмент за планирање проекти каде што преку вклученост на сите заинтересирани страни за проблемот се овозможува подготовка на успешен проектен дизајн. Добро испланираниот проект овозможува и негово успешно спроведување.

Цели на курсот:
- Стекнување практични знаења и вештини за планирање проекти (логичка рамка);
- Примена на методот раководење со проектен циклус во редовната пракса на организациите.

По завршувањето на курсот планирање проекти, учесниците ќе стекнат знаења, вештини и ставови за:
примена на алатките за проектно планирање (дијаграм на проблеми и цели, логичка рамка);
значењето на раководењето со проектен циклус во организациите;
процесот на подготовка на проект.
Профил на учесници: активисти/ки директно вклучени во планирањето, координацијата и спроведувањето на проекти во организацијата

Стратешко планирање

Основна задача на раководителите и поискусните членови во организациите е да работат на развивање на сопствената организација, а со тоа да влијаат и на другите организации во секторот. Стратешкото планирање е основа за успешен развој на организацијата.

Цели на курсот:
- Стекнување практични знаења и вештини за изработка на стратешки планови во граѓанските организации;
- Развивање на свеста за организацијата и нејзините елементи, како и за нејзиното место во надворешното опкружување.

По завршувањето на курсот стратешко планирање, учесниците ќе стекнат знаења, вештини и ставови за:
·         примена на  алатките на организациска анализа (СВОТ-анализа, матрица за стратешка ориенација);
·         значењето на стратешкото планирање за успехот на организацијата;
·         процесот на изработка на стратешки планови.

Профил на учесници: членови/ки на раководството во граѓанските организации. За да се постигне поголем ефект од обуката, се препорачува заедничко пријавување на 4 кандидати/ки од иста организација.

Административно работење

Правниот систем во нашата држава со законски акти ја има регулирано заштитата на архивската граѓа, обврзувајќи ги  сите правни лица да вршат соодветно одбирање, средување и евидентирање на документацијата, како и создавање услови за нејзино чување и заштита.

Цели на курсот:

- Стекнување практична знаења и вештини за работење во канцеларија;
 - Успешно реализирање на основните административни дејности во организацијата.

По завршување на курсот за административно работење, учесниците ќе стекнат знаења и вештини за:
·         логистика во канцеларија, прием  и комуникација со странки;
·         писмена и усна коресподенција;
·         начинот на работа, правилата и техниките за постапување со документарниот материјал и архивската граѓа што се создаваат во текот на работењето на сите правни лица во Р. Македонија, согласно позитивните законски прописи;
·         категоризација и вреднување на актите кои се создаваат во текот на работењето;
·         евидентирање на актите во деловодник;
·         постапување со актите создадени во текот на работењето на организациите (одбирање на архивската граѓа од документарниот материјал и нивно евидентирање - попис и опис).

Профил на учесници: членови на граѓанските организации, чие основно задолжение во организацијата е поврзано со работа во канцеларија, администрирање, евидентирање и чување документи.

Пријавување:

- Обрасци за архивско работење (53К, зип формат)
- Обрасци за стратешко планирање (53К, зип формат)
- Обрасци за проектно планирање (53К, зип формат)

Обрасците за пријавување можат да се добијат и во просториите на Македонскиот центар за меѓународна соработка.

Лица за контакт:          Кренар Кука
                                       kkk@mcms.org.mk 
                                       02/3065-381