|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Фондација Метаморфозис
Отворено писмо до министерот за образование на РМ по повод Денот на отворен пристап, 14 октомври
По повод Меѓународниот ден на отворен пристап (Open Access Day), Фондацијата Метаморфозис ги повикува Министерството за образование и наука и Владата на РМ да покренат иницијатива со која ќе започне системско, брзо и ефикасно решавање на акутниот недостаток на образовни содржини достапни на интернет (е-содржини) на локалните јазици во Македонија.
Отворен пристап претставува бесплатна достапност на дигитални содржини преку интернет. Нејпозната и најлесно изведлива форма на отворен пристап е објавување рецензирани научни трудови од академски списанија без очекување авторите или издавачите да бидат дополнително платени за тоа.
Со новиот Закон за учебниците за основното и средното образование се предвидува државата да ги откупи авторските права од авторите на учебниците со цел да овозможи бесплатни печатени изданија за учениците. Ова создава одлична основа истите тие изданија да бидат достапни не само до учениците, туку до целат јавност во дигитална форма, преку интернет. На тој начин пристап до овие знаења ќе имаат сите граѓани на Македонија – кои како даночни обврзници веќе имаат платено за нив, а и луѓето од целиот свет кои се заинтересирани за локалните јазици на Македонија, особено дијаспората. Голема предност на оваа иницијатива е што дополнителните зафаќања од буџетот за изработка на е-книги ќе бидат минимални, оти Законот веќе ги обврзува авторите да достават електронски верзии од делата.
Дополнителна можност за зголемување на фондот на е-содржини е со дополнување на Законот за високо образовние со обврска кандидатите за академски титули, како доктори и магистри, своите трудови да ги објавуваат на интернет според принципите на отворен пристап.
Отворениот пристап е светско движење кое влијае на создавање на политики во ЕУ (www.ec-petition.eu ) и во САД, така што приклучувањето на Македонија ќе овозможи зголемена видливост на македонската научно-академска заедница во светот, а и зголемен рејтинг на земјата во образовните, научните и политичките кругови посветени на глобален развој. |
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
